| Profil de KevinKevin的奇幻世纪PhotosBlogListes |  Outils  Aide |
|
Kevin的奇幻世纪Je m'appelle Kevin~~!! 30 juin 庆香港回归～我都要回归啦～ 唔知有几耐咧？呢个地方我真係唔知有几耐冇番过嚟啦，一年？更长？呵呵～～
不过唔好话，番嚟呢度我真係揾到“蘑菇”喔，呵呵～～～讲笑啦。我张相发毛咁就真係唔好搞啦，所以都係番嚟搞下卫生啦～
一年啦，毕业之后呢一年真係从来未感觉到嘅咁忙啊，咿家先发现工作真係唔係咁简单。一年嘅工作落嚟，令我练成咗吃得少，瞓得少（虽然以前都瞓得唔多），做得多。银行真係唔係一个好嘅工作地方，人多，工作量大，仲要分秒必争，而且最攞命嘅就係培训同考试停唔到，有时做嘢嘅时候忙起身真係觉得自己已经变成咗一个超人（定係傻佬咧？），有好多时候真係想放一次长假，周围行下，放松下～～～但係呢种谂法都係留番08年先啦，因为我咿家都未有年假。
7月注定係我嘅一个里程碑，因为係呢个月，我终于可以两方面转正啦，一个就係工作上，另一个咧，就係入党，但係忙咧，就係一定会一样嘎啦，希望可以做得更好啦。
ps:咁多係广州嘅同学朋友，好耐冇见啦，希望以后可以有多D机会，出嚟聚一聚啦，呵呵～～～ 5 mai 终于……终于…… 终于我都有咗一张自己嘅相片摆係space嘅个人资料度啦，哈哈哈哈哈哈～～以后都唔使再俾各位话我用人地嘅相搞到唔知呢个space嘅主人究竟係男定係女啦啩？
揾张相都好难嘎，我之前一直都冇所以先唔摆出嚟啫，唔係我有心“遮掩”自己嘅容颜嘅，呵呵～～不过其实都冇咩好睇啫，上得呢个space嘅人都见过我嘎啦，摆只不过都係一个形式啫。
唔讲，冲凉，嘻～～
28 avril 大学嘅最后一段时间啦，真係快！～ 呢排都冇乜点上过嚟blog度，因为係学校同屋企之间都忙嚟忙去，冇晒时间咁制，所以今日上嚟先发觉呢个地方已经铺满尘，呵呵～～但係都见到仲有几位朋友上嚟留言，真係好开心，希望佢地冇因为上嚟留言吸尘过多搞到肺痨啩，嘻嘻……
大学最后一个学期以来，忙于写论文同埋揾工，突然觉得生活有咗意义，呵呵～～咿家嚟五月仲有几日，终于两边都有咗些少眉目。最紧要係揾工嘅问题，咿家手上终于都有一份offer啦，心当堂就定咗，希望呢一两个月可以继续有更多好嘅offer啦。论文写咗咁耐，都修改到第三次啦，但係自己觉得仲係有好多问题咁嘅，点算？我地学校今年仲要全体毕业生都答辩嘎嘛，而且好似话5月13、14两日添，阴功，时日冇多啦，定稿都未交得，咿家先觉得写论文唔係一件容易嘅事。梗係啦，今次呢篇文话晒都係咁大个人以来最重要嘅一篇，自己写嘅比重占好大，同以前上课老师叫写果D唔同嘎嘛，唔係话粘粘贴贴就可以过关嘅，真係攞命!
过埋呢个月，日子就开始会得闲番一排啦啩？起码係出社会拼搏之前都要有少少时间准备下嘅，呵呵～～但係咿家就暂时唔得啦，因为论文仲未搞掂啊！！烦！！！！！！～
8 février 年后……恢复正常～ 狗年新年过去十日啦，生活又一次恢复正常啦。
一直都唔明点解逢节日就要大吃，狂吃，而且係一班人咁吃，都几辛苦。我仲记得年初三嘅时候因为牙肉痛，吃咗D药，下午又继续去饮茶团拜，搞到哩埋係厕所呕咗两次，果种滋味真係难受，第一次过年期间有咁嘅经历。
吃嘢吃到热气，过饱都係过年饮食嘅特征啦。所以呢几日係屋企都叫妈咪煮番D清淡嘅嘢吃，要调理下，呵呵～～弊！今晚去M记喔，咁咪又热气？
28 janvier 狗年快乐！～～～ 今日係鸡年嘅最后一日，亦係狗年嘅除夕夜，係度祝各位同学、朋友、亲戚狗年快乐！ 老人家同屋企人就肯定要身体健康，心想事成啦！ 同学朋友们一样心想事成，揾到工嘅就工作顺利，未揾到嘅就早日揾到啱心水嘅工作！ 总之就係一句：狗年行大运啦～～～～～～～～～！ 25 janvier “难”忘嘅澳门行～～ 寻日去咗澳门一日，但係做唔到预期中嘅事，真係惨～～
本来係听我堂细佬话澳门有我中意嘅嘢卖，而且又便宜，所以先决定今次嘅澳门行。点知寻日去到，街上人头涌涌不单止，连我想买嘅嘢都全部冇得卖，连佢都买唔到嘢，两个人係条街度行来行去，行咗成日，最终就净係买咗一条裤，唉～～
番嚟坐车仲要鬼咁多人添，坐到两条友鬼咁辛苦，今日我仲发咗低烧添，真係贴钱买难受咯！
以后真係唔可以係呢D时候再去～～
22 janvier 冷得我腾腾震～ 做乜鬼广州突然间冻咗咁多嘎，顶～～
前排热到好似夏天咁，但係呢几日一个180度大转弯就恢复番冬天嘅模样，莫非年年过年都一定要冻嘎？搞到冇feel出街添，唉！～～ 不过，冻都有冻嘅好处，好多平时着唔到嘅衫都可以派上用场啦，呵呵～～真係对佢又爱又恨啦～～ 放假几日都无无聊聊，浑浑噩噩，咁都唔係办法，但係又冇其他嘢做喔，大家有冇节目啊？介绍下咧？ 17 janvier 仲有一个沙龙for 初中同学～～～ 啱啱做完一个，仲有一个，唉，顶唔顺～～～
1.最近在看的电视 friends
2.最近在做的事情 n样
3.最近在听的音乐 完成大我、戏中有气
4.最近在看的报刊 足球周刊
6.最近关心的话题 有咩公司嘅招聘信息咧？
7.最近常去的地方 冇
8.最近常想的异性 ×××
9.最近最想做的事 揾到工
10.最近身体情况 超正常
11.最近理财状况 良好
12.对朋友最想说的话 friends 4ever!!
13.自己最想说的话 happy every day~
14.想一个减肥的良方 跑步
15.记忆中做过最疯狂的事情之一 饮咗30几杯白酒
16.喜欢K歌的程度1~10依次递增 分唔出，而且好耐冇唱
17.最喜欢吃的食物 so many~~
18.最喜欢的水果 芒果
19.最怕什么？ 孤独终老
20.最喜欢的一部电影 天堂电影院
21.最近最希望得到的一样东西 公司offer或者学校offer
22.最向往的地方 法国
23.初中同学嘅问题：你有无看过我的blog啊？ 睇过几次啦，呵呵～～
迟咗好耐嘅问题沙龙for venus～～ 真係迟咗好多，呵呵～～不过迟到好过冇到
提问1.2005年你的野心是什么? 都唔知係咪应该改成2006年咧？呵呵～～希望揾到好工，或者……
提问2.为二锅头撰写一句话。 呛！呛！呛！呛！
提问3.叙述你或者你想象的最成功的一次恋爱经历。250字。 没有最成功的，只有更成功的，唔答得～～
提问4.一天早上起来。你突然发现身边的人都变成了癞蛤蟆。你会怎么办。 觉得自己好犀利，自己总係最特别嘅一个，呵呵～～
提问5.如果最近发现自己衰到极点你该怎么办？ 睇下自己可以衰到几时，衰到咩地步～
提问6.请想象一下你结婚的场景和结婚的对象。 甜甜蜜蜜……………………
提问7.如果你想变成卡通人物你最想变成谁？ 龙马（都唔知大家知唔知係边个）
提问8.初吻的时间。地点。对象。如果还没有。你最想跟谁。 ×××××××××××答案已被隐藏，希望有人可以睇到啦，呵呵～
提问9.最想到什么地方定居。和谁。说出原因。 想去法国，因为觉得学咗法语就唔好浪费啦
提问10.觉得人生对自己最重要的是什么？ 亲情，爱情
提问11.你一觉醒来。发现自己说不出话。别人也看不到你。 咁咪可以为所欲为咯，嘻嘻～～
提问12.如果可以你想从机器猫那里得到什么样的宝贝？ 咁多，点拣啊？我好贪心嘎
提问13.你对自己的什么阶段最后悔。想重新来过？ 以后
提问14.你最后一次ML是什么时候？和谁？ 哗！咁高级嘅嘢唔係好啱我啵，冇
提问15.你认为孙悟空和黑猫警长哪个更性感？ 我比较性感，呵呵～～
提问16.死的时候你送我什么？ 送殡咯
提问17.午休的时候你都做什么？ 除违法事情外，都做
提问18.你稀罕SELINA和小7么？ ？？？？？？？唔好问我唔知係咩嘅嘢
提问19.今天你的内裤是什么颜色？ 你想知就偏偏唔讲你知
提问20.你有多少双鞋？ 暂时起码12
提问21.这个星期你哭过么？为什么？ 冇。因为冇咯
提问22.如果你要出国了。你希望你的男朋友或者女朋友赶到机场来送你么？ 最好同我一齐去
提问23.有没有难过的都不知道该怎么好的时候？如果有，怎么化解？ 船到桥头自然直啦
提问24.传说中的幸福存在么？ 传说中嘅係点嘎？
提问25.你是女生。你喜欢上了一个女生。但是你喜欢的那个女生也喜欢男生。你该怎么办？ 咁果个女生肯定係变态，我咁都中意佢咁我就更加变态啦，冇嘢讲
提问26.如果你真的喜欢上一个人。你会向他表白么？ 一定会
提问27.你喜欢的人讨厌你么？你讨厌的人喜欢你么？ 世上冇嘢冇可能
提问28.如果爱一个人你会什么表现？ 全副身心爱佢
提问29.如果知道自己的一个好友是BL或者GL你会像以前一样对待他么？ 会，点可以歧视人地咧
提问30.你的电话号码是多少。快告诉我。 想知道咩电话号码咧？谂清楚再问我
提问31.人要快乐需要责任来束缚么？ 唔係咁麻烦啊嘛？咁仲有鬼人要快乐啊？
提问32.3个形容词来评价我小瑶： 唔关我事
提问33：最近一次对父母表示关心是什么时候？（一个拥抱，一句关切的话，一个行动皆可） 1.16
提问34：喜欢打电话还是发短信呢？为什么？ 都中意
提问35：你最讨厌的一件事？ 即将要做一样好烦嘅事
提问36：一天里最喜欢的时间是哪一段，为什么？ 瞓觉嘅时候，舒服
venus的问题：做完上面一连串问题你的感觉是什么？ 终于冇拖欠你啦～～～ （我唔叫人做啦，就当係度完结啦，呵呵～）
寒假开始咯～～ 又番到屋企啦，大学最后一个假期开始咯～！！
一上嚟见到好多新面孔嘅留言，呵呵～～That's great!!我得闲会上大家嘅地头踩踩嘎啦，因为我最中意八人地D嘢嘅，嘻嘻～～～
12月底到一月初经历咗一段暴饮暴食嘅日子（鬼叫果段日子最多节日咩，唔吃都对唔住自己啦，呵呵～），睇嚟番屋企抖得半个月就又可能要再嚟啦，因为新年又接住嚟啦嘛。
各位同学、朋友揾工揾成点啊？我谂都有好多已经可以开开心心过年啦啩？係度补祝各位考研嘅我认识嘅人顺顺利利啦，仲有一班我知道已经保研嘅朋友，真係非常羡慕佢地啦，呵呵～～
寒假有机会，希望可以同大家聚聚啦，以后大家真正开始忙啦，机会可能就比较少咯，所以今次应该好好珍惜啦啩～～～
|
||||
|
|
